Hvað er dáleiðsla?
Dáleiðsla er fornt meðferðarform sem hefur verið notað í þúsundir ára til að stuðla að lækningu, sjálfsskilningi og innri ró. Fyrstu heimildir um dáleiðslu má rekja til Egypta, Grikkja og kínverskra spekinga, og á undanförnum áratugum hefur hún orðið viðurkennd meðferðarleið á Vesturlöndum.
Að vera í dáleiðslu er í raun að vera í eins djúpri slökun og þú getur verið án þess að sofna.
Við förum öll sjálfkrafa í þetta ástand daglega – rétt áður en við sofnum, þegar við gleymum okkur við að horfa á kvikmynd, eða þegar við keyrum og töpum augnablik tengslum við umhverfið.
Í dáleiðslu er unnið með undirvitundina, sem geymir minningar, tilfinningar og mynstur sem móta hegðun okkar og viðbrögð. Þrátt fyrir mýturnar um dáleiðslu heldurðu alltaf stjórn og meðvitund í meðferðinni. Þú heyrir allt sem sagt er, getur hafnað leiðbeiningum mínum ef þú vilt, og getur alltaf komið þér sjálf(ur) út úr dáleiðslu.
Þetta er því ekki yfirnáttúrulegt ástand – heldur djúp slökun þar sem hugurinn verður móttækilegri fyrir breytingum og lækningu.
Meðvitund og undirvitund
Heilinn vinnur með mismunandi bylgjur eftir vitundarstigi – vöku, slökun, drauma og svefn. Í dáleiðslu ertu á mörkum vöku og svefns, þar sem meðvitundin og undirvitundin mætast. Undirvitundin – „litla þú“/ /kjarninn þinn/sálin þín – geymir allt sem þú hefur upplifað. Hún stýrir miklu meira af lífi þínu en rökhugsunin gerir. Þess vegna getur verið erfitt að breyta venjum og hegðunarmynstri með viljastyrk einum saman – það þarf að vinna með undirvitundina sjálfa. Þegar þú ert í dáleiðslu vaknar undirvitundin og gerir þér kleift að sjá, skilja og breyta því sem liggur að baki vandanum.
Hvað gerist í dáleiðslumeðferð?
Dáleiðslumeðferð hentar öllum sem vilja fá innsýn í orsök vandamála sinna og vinna í henni til að bæta lífsgæði sín – hvort sem um er að ræða kvíða, fælni, óöryggi, vanlíðan, átröskun eða sjálfsmyndarmál.
Þegar þú mætir í tímann byrjum við á samtali um hvað þú vilt vinna með og hvort þú viljir einungis vinna með núverandi líf eða fara í fyrri líf ef það hentar markmiðinu. Eftir það hefst dáleiðslan sjálf, og meðferðin tekur að jafnaði 1,5–2 klukkustundir.
Það eina sem þú þarft að gera er að leyfa þér að slaka, leyfa rökhugsun og gagnrýnni hugsun að stíga til hliðar á meðan tímanum stendur, hlusta á leiðsögn mína og nota ímyndunaraflið. Þegar þú nærð því þá róast hugurinn og undirvitundin vaknar, en þá fyrst er hægt að leita að uppruna vandans og vinna með hann.
Stundum er orsökin ekki sú sem þú telur hana vera þegar þú ert í dagvitund þinni – hún getur verið gömul reynsla, orð, áfall eða vani sem hefur skráð sig djúpt í undirvitundina og kemur upp í dáleiðslunni.
Þegar rótin finnst, vinnum við saman að því að losa hana með mildum en áhrifaríkum aðferðum.
Allt ferlið gerist á öruggan, virðingarríkan hátt þar sem þú heldur alltaf stjórn á því sem gerist.
Fyrri lífs dáleiðsla
Fyrri lífs dáleiðsla er sérstök aðferð sem hjálpar þér að kanna djúpt minni sálarinnar og tengingar úr fyrri lífum – í gegnum táknrænar myndir undirvitundarinnar.
Þú ert í djúpri slökun en meðvitundin er enn virk, þannig að þú ert alltaf örugg(ur) og með stjórn á upplifuninni.
Þessi aðferð getur hjálpað þér að:
– skilja rætur ákveðinna tilfinninga eða mynstur,
– fá innsýn í flókin sambönd,
– vinna með fælni eða ótta sem virðast óútskýrð,
– og dýpka tengsl þín við eigin sál og tilgang.
Það er ekki nauðsynlegt að trúa á fyrri líf – margir upplifa þetta sem táknræna leið til að skilja sjálfan sig betur.
Hvort sem minningarnar eru táknrænar eða raunverulegar skiptir ekki öllu – það sem skiptir máli er lækningin og skilningurinn sem kemur í kjölfarið.
Eftir meðferð
Eftir dáleiðslu finna margir fyrir létti, ró og dýpri sjálfsskilningi. Sumir upplifa sterkar tilfinningar, gráta eða hlæja, aðrir verða einfaldlega afslappaðir og endurnærðir.
💰 Verð: 22.000 kr
🕒 Lengd: 120 mínútur
📩 Bókaðu núna: